Play Scope 匯豐智能遊戲萬象館
諾媽認為玩樂係小朋友天職，諾媽會充當隊長同朋友嘅角色，陪諾諾去探索玩耍，係過程中培養自主性，今次諾諾遊記去 Play Scope 匯豐智能遊戲萬象館，Go go go🏃♂️
萬象館位於大埔太和，鄰近太和火車站，館內4000呎，分開唔同區域，小朋友可以隨意穿梭體驗唔同遊樂設施，區域大致可分為：
繩網架空通道🧗♂️❇️--適合2歲半以上孩子，家長可陪同上落。
搬運體驗📦--迷你手推板車＋一袋袋貨物，滿足小朋友乜都想試嘅慾望，盡情搬搬抬抬。
木頭變身室👷♂️🔨--紙皮，木鎚，釘子可以做d咩？不如由家長帶領做個小木工，比小朋友體驗勞動製作嘅趣味？
火車城市🚊🏗️--每五個小朋友就有一個火車迷！成間房都係火車軌同城市建築物，小朋友們一齊建立一個火車城市啦
污糟貓天地👩🎨🤲--沙、水、顏料都係小朋友最愛，每次都會玩到成身都係；污糟貓天地就係比小朋友盡情玩嘅地方，釋放孩子力量。
小小工程師--一塊塊水松積木，長長短短木條，一齊動腦筋製作非一般作品，可能係木馬，可能係車，更加可能係怪獸😂需要幻想力及體力嘅親子遊戲👍
玩具圖書館--書架上一袋袋？每袋掛住一個牌子，裡面原來係玩具？小朋友可以挑選自己感興趣嘅玩具去玩，更加可以借返屋企❤️呢度有600件玩具嫁😯
寶寶專區木玩閣--只接受24個月以下BB內進，確保唔會有小朋友掛住玩而誤傷BB👍BB都可以盡情探索。
諾媽感想：萬象館將大人同小朋友都帶返去童年時，童年時我哋一個廁紙筒可以變木偶仔；一人一支樹枝就可以打一場星球大戰😍萬象館用簡單原材料或廢物重用，加上無限幻想力去創作不同玩樂設施，小朋友玩得開心之餘，家長們亦感受到環保重用嘅概念，一舉幾得👍非常建議大家嚟玩，一定會令心靈同腦袋有一個新方向。
最抵讚係裡面嘅職員哥哥姐姐，全部都好有心機去陪小朋友玩，同小朋友傾計，呢個係一般playhouse做唔到嘅，有時小朋友最需要嘅就係一個同佢傾得埋嘅大人😉
關於Play Scope 匯豐智能遊戲萬象館：
地址：香港新界大埔太和邨亨和樓地下117-128 室
收費：$100-140（包一位大人及小朋友）
電話：2650 2607 （星期一休館）
網上預約方式：https://member.playright.org.hk/cbooking-enroll/date/517
鐘意諾諾遊記介紹的話，請like and share或者Tag比朋友知, 一齊約埋去玩啦❤️
#萬象館 #廢物利用 #親子KOL #親子好去處 #playhouse #尋找童真 #發揮想像力 #從遊戲中學習 #諾諾遊記 #playright
Search